Në sallën e Kuvendit Komunal të Klinës është mbajtur takimi i parë i Këshillit Komunal për Siguri në Bashkësi për vitin 2025. Në këtë takim morën pjesë nënkryetarja e komunës dhe njëherësh kryesuese e këshillit, znj. Marqe Tanushi – Selmanaj, përfaqësuesi nga stacioni policor në Klinë, toger Skënder Morina, drejtori i Arsimit, Qemajl Sejdija, përfaqësues të KFOR-it, Forcës së Sigurisë së Kosovës dhe anëtarë të tjerë të këtij këshilli.
Gjatë takimit u diskutuan disa çështje të rëndësishme që lidhen me sigurinë në komunë, përfshirë:
1.Vlerësimin e përgjithshëm të sigurisë në territorin e Komunës së Klinës,
2.Ushtrimin e kontrollit më të shpeshtë të trafikut rrugor për të zvogëluar aksidentet me fatalitet,
3.Propozimin për organizimin e trajnimit për mbrojtje nga zjarri me nxënësit e shkollave,
4.Trajtimin e qenve endacakë.
Këshilli do të vazhdojë të monitorojë dhe të propozojë masa konkrete për përmirësimin e sigurisë në komunë, në bashkëpunim me institucionet relevante dhe qytetarët.
