Në kuadër të projekteve për përmirësimin e infrastrukturës lokale në fshatra, kemi filluar asfaltimin e rrugëve lokale në fshatin Gllarevë.
Kryetari i Komunës së Klinës, Prof. Dr. Zenun Elezaj bashkë me drejtorin e Urbanizmit, Enver Berisha, kanë përcjellur nga afër realizimin e punimeve dhe kanë kërkuar nga kompania punëkryese që të respektohen kushtet e kontratës.
“Në kuadër të këtij projekti do të bëhet asfaltimi i 1250 metrave rrugë, ndërsa do të bëhet edhe shtrirja e rrjetit të kanalizimit sipas kërkesave të qytetarëve. Vlera totale e projektit është 82 000 euro.
Gjatë dëgjimeve buxhetore, për fshatrat Gllarevë, Rixhevë dhe Stapanicë kemi marrë kërkesa për investime të reja në infrastrukturë rrugore, të cilat i kemi planifikuar të kryhen në vitin e ardhshëm.” – ka thënë kryetari Elezaj.
