Kryetari i Komunës së Klinës, Prof. Dr. Zenun Elezaj, i shoqëruar nga drejtori i Arsimit, z. Qemajl Sejdija, dhe drejtori i Shërbimeve Publike, z. Qendrim Millaku, kanë vizituar shkollën fillore të mesme të ulët “Ali Krasniqi” në fshatin Ujmirë, ku kanë marrur pjesë në shënimin e ditës së shkollës bashkë me shumë veteranë të arsimit, veprimtarë, mësimdhënës e nxënës etj.
Kryetari Elezaj ka uruar të pranishmit për ditën e shkollës dhe ka folur për rëndësinë e shkollës shqipe si në arsimimin e nxënësve ashtu edhe në edukimin e brezave në frymën atdhetare e patriotike.
“Gjashtë marsi është ditëlindja e dëshmorit Ali Krasniqi. Gjashtë marsi, po ashtu, është edhe dita e shkollës që me krenari mban emrin e këtij luftëtari të lirisë. Kjo shkollë që ka një të kaluar të ndritur e në të cilën janë arsimuar e janë edukuar në frymë atdhetare shumë breza le të mbetët përherë frymëzim edhe shumë gjenerata tjera.”
Urime të gjithë mësimdhënësve dhe nxënësve dita e shkollës!”- ka thënë Elezaj.
