Sot, Kryetari i Komunës së Klinës, bashkë me drejtorë të drejtorive komunale, ka mbajtur tri Takime me Publik(dëgjim buxhetor) me qytetarë lidhur me Kornizën Afatmesme Buxhetore, për të diskutuar lidhur me projektet me prioritet për periudhën 2020-2022 sipas Udhëzimeve të dhëna me Qarkoren buxhetore nr.1 të Ministrisë për Financa.
Takimi i parë është mbajtur në sallën e Kuvendit Komunal në Klinë, ku përvec qytetarëve dhe udhëheqësve të institucioneve lokale, të pranishëm kanë qenë edhe përfaqësues të KFOR-it, OSBE-së dhe OJQ lokale.
Po ashtu takime janë mbajtur edhe në fshatin Ujmir dhe Zllakuqan, ku qytetarët janë informuar për buxhetin dhe projektet e planifikuara për realizim në tri vitet e ardhshme.
Në këto takime kanë marrë pjesë Kryetari i Komunës, Prof. Dr. Zenun Elezaj, drejtorë të drejtorive komunale, përfaqësues të fshatrave dhe qytetarë.
Në takimet e mbajtura në Ujmir dhe Zllakuqan, Kryetari Elezaj i ka njoftuar banorët e këtyre lokaliteteve për planifikimet buxhetore 2020-2022. Ai theksoi se për vitin e ardhshëm, buxheti komunal do të jetë mbi 1 milion më i madh se këtë vit, dhe po ashtu njoftoi qytetarët për projektet të cilat komuna ka planifikuar të i realizojë në këto fshatra.
Ndërsa qytetarët kanë falënderuar kryetarin e komunës për realizimin e projekteve të deritanishme dhe kanë paraqitur kërkesat e tyre për përcaktimin e prioriteteve të investimeve të komunës.
