Investime kapitale 1.833.585.00 €, paga dhe mëditje 4.400.396.00 €, mallra dhe shërbime 515.684.00 €, komunali 148.026.00 €, transfere dhe subvencione 80.465.00 €, gjithsej buxheti për vitin 2012 është 6.978.156.00 €
Gjate seancës së radhës të asamblesë komunale në komunën e Klinës si rend dite kanë qenë 11 pika, ku te pika e fundit : Të ndryshme , është propozuar që të futet në rend dite edhe kërkesa e Organizatës së Veteraneve të Luftës që të mundësohet hapësira në varrezat e dëshmoreve edhe për veteranët e luftës. Seanca është udhëhequr nga kryesuesi i asamblesë Fadil Gashi. Me arsyetimin e mungesave seanca ka vazhduar me piken e radhës betimin e deputetes së LDD-së- Gjyle Hoti. Miratimi i procesverbalit kaloi me disa vërejtje nga deputetit i PDK-së Reshit Gashi .Te pika e shqyrtimit dhe miratimi i preferencave të KPF-së është debatuar rreth familjes së Bajram Berishës ,është kërkuar që t’i behet zgjedhja e shtëpisë për arsye se kjo familje që 40 vjet jeton në ambulanten e fshatit dhe tani është pa pronë. Seanca ka vazhduar me piken e radhës shqyrtimi dhe miratimi i procesverbalit të Takimit me Publikun (takimi i parë i mbajtur me 28.06.2011) , dhe pa asnjë vërejtje kjo pika është miratuar. Pika e radhës në këtë seance ka qenë Shqyrtimi dhe miratimi i buxhetit të komunës për vitin 2011-2014. Drejtori për Buxhet e Financa –Refki Krasniqi në pika të shkurta ka sqaruar buxhetin për vitin 2012-2014. Për vitin 2012 , për investime kapitale 1.833.585.00 €, paga dhe mëditje 4.400.396.00 €, mallra dhe shërbime 515.684.00 €, komunali 148.026.00 €, transfere dhe subvencione 80.465.00 €, gjithsej buxheti per vitin 2012 është 6.978.156.00 € . Buxheti është miratuar dhe seanca vazhdoi me kërkesën nga MTI-ja për përcaktimi e zonës turistike e cila është miratuar Zona Turistike e Mirushes. Seanca ka përfunduar me miratimin e kërkesës së OVL-së për hapësirën në varrezat e dëshmorëve për veteranet e luftës duke ju dhënë hapësire edhe veteranëve që të varrosen në ato varreza.
