Është mbajtur seanca e IX-të e radhës e Kuvendit Komunal në Klinë. Si zakonisht seanca është udhëhequr nga kryesuesi i Kuvendit Fadil Gashi. Të pranishëm ishin edhe kryetari i komunës Sokol Bashota dhe nënkryetari i komunës Zenun Zeqa.
Është mbajtur seanca e IX-të e radhës e Kuvendit Komunal në Klinë. Si zakonisht seanca është udhëhequr nga kryesuesi i Kuvendit Fadil Gashi. Të pranishëm ishin edhe kryetari i komunës Sokol Bashota dhe nënkryetari i komunës Zenun Zeqa. Pika e parë kaloi pa ndonjë vërejtje ndërsa, te pika dytë për procesverbal kishte vërejtje . Te pika e tretë shqyrtimi dhe miratimi i preferencave të KPF-së është diskutuar rreth kërkesave të fshatareve nga Zllakuqani. Kërkesa e parë për kanalizimin e fshatit që të hyjë si prioritet në prioritetet e buxhetit të komunës për vitin 2012, dhe kërkesa e dytë , Nike Frroku ka kërkuar që t’i jepet në shfrytëzim afatgjatë objekti i ish ambulantes në Zllakuqan, në të cilën banon për momentin. Paraqitësi i kërkesës është i pastrehë që nga lufta, ka familje dhe kërkon që ky objekt t’i jepet në shfrytëzim. Po ashtu, edhe Lëvizja “Vetëvendosje”është paraqitur me dy kërkesa: 1. Kërkon që të jetë pjesëmarrëse në mbledhjet e Kuvendit të Komunës dhe kërkesa e dytë është që të njoftohet me materialin e Kuvendit për secilën seancë . Pika është miratuar dhe seanca ka vazhduar me piken tjetër: Shqyrtimin e Peticionit të banoreve të fshatit Dresnik, kundër të procesit të kthimit të 7-të familjeve të komunitetit RAE, në fshatin Dresnik. Kjo pike është diskutuar dhe si përfundim është thënë se: çështja e procesit të komunitetit RAE, është e quajtur e kryer nga kryesuesi i Kuvendit Fadil Gashi dhe me kërkesë të deputeteve është bërë një pauzë prej 15 min. Dhe pas pauzës seanca ka vazhduar me pikën e radhës të Projekt-rregullores për fillimin dhe mbarimin e orarit të punës së organizatave të Biznesit në komunën e Klinës. Te kjo pikë sqarim ka dhënë Zyrtari Ligjor –Ali Shala, i cili ka sqaruar për secilin nen veç e veç dhe pa ndonjë vërejtje apo sugjerim është miratuar . Për njoftimin lidhur me ndërtimi në qytetin e Klinës , ka referuar drejtori i Urbanizmit Zeqir Morina dhe drejtori Inspektoratit Rasim Millaku , por anëtaret kanë kërkuar material shtesë për diskutim të kësaj pike dhe është lënë që të diskutohet në seancën e radhës. Pika e fundit e rendit të ditës , Dulaman Gashi ka kërkuar në emër të grupit të LDK-së, Interpelancë nga drejtori i Arsimit rreth përgatitjeve për vitin shkollor 2011/21. Drejtori i Drejtorisë së Arsimit në komunën e Klinës- Ramiz RRusta, e ka bere një përshkrim të punës së drejtorisë së Arsimit , ku është përkrahur nga ana e deputeteve dhe ka përfunduar seanca.
