Ilirjana Toplanaj

Vendlindja: Pograxhë – Komuna e Klinës

Vendbanimi: Pograxhë – Komuna e Klinës

Data e lindjes: 23.08.1994

Subjekti politik: AAK

Edukimi:

Shkollimin e mesëm të lartë e ka të përfunduar në drejtimin Teknologji Ushqimore ne Gjimnazin Fehmi Agani.

Në vitin 2013 -2017 mbaroj studimet Bachelor pranë Universitetit Haxhi Zeka, Dega e Agrobiznesit në departamentin Agroekologji dhe Agromjedis

Ndërsa, tani vazhdon Studimet Master pranë Universitetit të Shkencave Matematiko Natyrore në Prishtinë, në departamentin e Biologjisë, dega Ekologji dhe Mbrojtje e Mjedisit

Në vitin 2017 certifikohet nga Qendra e Aftësimit Profesional në Pejë, në degën e Agrokulturës. Gjithashu, në vitin 2020 certifikohet nga Ministria e Bujqesisë Pylltarisë dhe Zhvillimit Rural me titullin “Këshilltare për Bujqësi dhe Zhvillim Rural”.

Më vonë ka vazhduar dhe me trajnime në fusha të ndryshme, ku disa të tjera janë:
Roli i institucioneve të shtetit në parandalimin e ekstremizmit dhe radikalizmit të dhunshëm.
Protokolli dhe etika ceremoniale.
Electoral Targeted Communication.
Gender Responsive Policy Making.

Sot, vazhdon punën në shërbim të qytetarëve të Klinës, në mandatim e parë si Asambleiste e Komunës së Klinës. Gjithashtu është e angazhuara si Eksperte e Bujqësisë dhe Menaxhere e Projekteve në sektorin publik dhe privat.

Të drejtat dhe detyrat e anëtarëve të kuvendit të komunës – përcaktohen me Ligjin për vetëqeverisje Lokale ( LVL )

Të gjithë anëtarët e kuvendit të komunës kanë të drejta dhe mundësi të barabarta të marrin pjesë plotësisht në punimet e kuvendit. Kuvendi i komunës siguron që këto të drejta dhe mundësi të parashikohen në Statutin dhe në rregulloren e tij të punës.

Anëtari i kuvendit të komunës ka të drejtë të kërkojë informacione lidhur me çështjet komunale nga kryetari, apo nga zëvendëskryesuesi i komitetit. Kërkesa shqyrtohet në pajtim me procedurat që do të përcaktohen në Statut dhe Rregulloren e punës.

Anëtari i kuvendit të komunës mund të dorëzojë vërejtje me shkrim, të cilat i bashkangjiten procesverbalit.

Anëtari i kuvendit të komunës mund t’iu drejtohet të pranishmëve në cilindo komision të kuvendit të komunës anëtar i të cilit nuk është, por nuk mund të votojë. Ai apo ajo mund t’i propozojë kryesuesit të komitetit që të diskutohet ndonjë çështje që është përgjegjësi e komitetit.

Anëtari i kuvendit të komunës mund të kërkojë nga kryetari informacione që janë të nevojshme për punën e tij si këshilltar. Nëse nuk është i kënaqur me përgjigjen, ai apo ajo mund ta ngrisë çështjen në kuvendin e komunës.

Anëtari i kuvendit të komunës lejohet të mungojë nga vendi i punës për periudha kohore që janë të domosdoshme për kryerjen punëve të kuvendit .

Kuvendi i komunës, në pajtim me Statutin e komunës dhe me udhëzimet e nxjerra nga qeveria qendrore, mund t’iu ofrojë kompensim anëtarëve të kuvendit për punën e tyre në kuvendin e komunës.

Anëtarët e kuvendit të komunës detyrohen të marrin pjesë në të gjitha mbledhjet e kuvendit, të thirrura në mënyrë të duhur në komisionet ku ata janë anëtarë, përveç rasteve kur ekzistojnë arsye të justifikueshme për mungesën e tyre.

Përgjegjësit

How do I?

Si mund të?