Gjatë vizitës zyrtare në Komunën e Villeneuve në Zvicër, kryetari i Komunës së Klinës, Zenun Elezaj, së bashku me kryesuesin e Kuvendit, Enver Berisha, dhe drejtorin e Financave, Faruk Smajli, u pritën nga nënkryetari i kësaj komune, Arbër Jagoda, kryetari i Komisionit të Financave, Cristiano Chiappa, si dhe përfaqësuesi për integrimet me Ballkanin, Isuf Jagoda.
Kryetari Elezaj falënderoi nënkryetarin Arbër Jagoda, me prejardhje nga Poterçi i Klinës, për ftesën dhe mikpritjen, duke vlerësuar sukseset e bashkatdhetarëve në vendet evropiane dhe kontributin e tyre në përfaqësimin e Kosovës.
Në takim u diskutua për mundësitë e bashkëpunimit ndërmjet dy komunave, shkëmbimin e përvojave në qeverisjen lokale dhe zhvillimin e projekteve të përbashkëta në fusha të ndryshme.
Bashkëpunimi institucional dhe forcimi i lidhjeve me bashkatdhetarët u vlerësuan si mundësi të rëndësishme për zhvillim, shkëmbim përvojash dhe krijimin e urave të reja të bashkëpunimit ndërmjet dy komunave.
