Të premte është mbajtur seanca e VII-të e rregullt e Kuvendit të Komunës së Klinës, e udhëhequr nga Kryesuesi i Kuvendit, Enver Berisha, në të cilën u shqyrtuan dhe u diskutuan pikat e parapara në rendin e ditës.
Gjatë seancës, anëtarët e Kuvendit shqyrtuan dhe miratuan procesverbalet dhe rekomandimet e Komitetit për Politikë dhe Financa, si dhe diskutuan raportet dhe informatat nga drejtoritë komunale dhe mekanizmat komunalë. Në fokus ishin raporti i menaxhimit financiar për periudhën janar–qershor 2026, raporti dhe plani i veprimit për zbatimin e rekomandimeve të Zyrës Kombëtare të Auditimit, çështje nga fusha e urbanizmit, arsimit, shëndetësisë, prokurimit, sigurisë në bashkësi dhe mirëmbajtjes së hapësirave publike.
Po ashtu, Kuvendi shqyrtoi peticionin e qytetarëve të lagjes “Dukagjini”, propozimin për zëvendësimin e anëtarëve të KKSB-së, si dhe propozimin për formimin e komisionit për zgjedhjen e drejtorëve të shkollave.
Seanca përfundoi me pikën “Pyetje dhe përgjigje”, ku anëtarët e Kuvendit ngritën çështje të ndryshme me interes për qytetarët dhe funksionimin e institucioneve komunale.
